Thursday, 26 August 2010

Харыг хамгаалсан шар

Ажлын газрын арын хаалган тушаа хүн хүлээн зогсч байтал, нарийн замын эсрэг талын барны үүдэнд цагаан хар хоёр арцалдах нүдэнд тусав. Эхлээд таньдаг найз нар бие биеэ явуулж тоглож байгаа биз гэтэл нэг л биш ээ. Цагаан нь цайвар шар үсээ задгай хаясан, өндөр хөхтэй, өргөн ташаатай, нарийн бэлхүүстэй, сунайсан урт хөлтэй гоо үзэсгэлэнгийн төгс загвар гэмээр залуухан чех бүсгүй. Хар нь буржгарын цаад буржгар атирсан үстэй, урагш түрсэн эрүүтэй, зузаан даравгар уруултай намхан залуу. Хүүхэн хархүүгийн мөр лүү байсхийгээд түлхээд авах юм. Хархүү нэг юм хэлээд л урагш зүтгээд байдаг. Нэг нь англиар, нөгөө нь чехээр яриад бие биеэ ойлгохгүй байх шиг. Дуу нь чангараад явчихлаа. Чех хүүхэн "энд зөвхөн цагаан ордог" гээд хар залууг цааш түлхээд байгааг гэнт ойлгов. Зөвхөн цагаан гэнэ үү? Ингэхэд шар арьстан би ч бас гадаа хоцрох нь. Эрхээ хамгаалмаар санагдаад очиж:
-Та энэ барны эзэгтэй юү? гэж чехээр асуувал
-Үгүй би тогтмол үйлчлүүлэгч
-Энд зөвхөн цагаан арьстанд үйлчилдэг дүрэмтэй юм уу? Би орж болох болов уу?
Цаагуураа хүний эрх хөндөөд ч байх шиг чехээр яриад эхлэхээр гоо үзэсгэлэнгийн туйл маань зөөлрөөд явчихлаа. Пани та бол орж болно. Энэ хар дандаа хүний дургүй хүргээд байдаг өөдгүй этгээд байгаа юм.
Өөдгүй рүүгээ харвал, ажил төрөл ч үгүй энд тэнд хэрэг төвөг удаж явдаг, салбаг далдаг хийсэн этгээд шиг. Ямар ч болсон дэлхийн олимпийн аваргад хүч үздэг хөдөлмөрч булчин шөрмөс зангирсан, төлөв харуудтай ямар ч төс алга. Чехээр огт ойлгодоггүй бололтой. Гэхдээ л намайг гэнт гарч ирээд өөрийг нь өмөөрч буйг гадарлав бололтой. Энэ хүүхэн намайг ийш нь оруулахгүй дээрэлхээд гээд гомдол урсгаж байна.
-Та дургүй байхад нь заавал энд орох ямар шаардлага байна?Хааяагүй бар байхад .
-Зөрүүд зан хөдлөөд л...
Барны хаалга онгойж, тэндхийн бие хамгаалагчид бололтой өндөр бадриун хоёр залуу гараад ирлээ. "Энд юү болоод байна" гэж сүрлэг том дуугаар хүнгэнэв. Гурван өндөр цагааны эсрэг хар, шар хоёр тагжгар юм. Хүчний тэнцвэр алдагдаад явчихлаа. Шууд сүүлээ хавчаад зугталтай биш, шар миний шар хөдөлж: "Цыгануудаа гадуурхдаг гээд гишүүн болгох эсэх дээр бөөн хэл ам болж байж Европын Холбоонд танайхан ороо биз дээ. Хүн ялгаварлан гадуурхадаг үзэл байхгүй болсон гэдэг худал юм байна. Танай барны тухай, ийм арьсны үзэлт чехүүд байдаг тухай бичнэ " гэж том дуугарав.
Нөгөө хар руу, "чи хүний нутагт хүний биеэ аятайхан аваад, эвтэйхэн явахад яадаг юм" гэж ээж, багш синдромдож хэлээд эргэсэн.



10 comments:

Алтанхүү said...

Хэхэхэ хүн хоорондын харьцаа гэж нээрэн төвөгтэй эд байх юм даа Бодоод байхад бидний мэдрэлийн эсүүд өглөөнөө авахуулаад орой болтол дандаа бусда хүний мэдрэлийн эсүүдтэй дайн хийж байдаг юм байнашд Мөнхийн дайн...

Gantulga said...

Amdiraliin turshlagaaraa harahad europ zuun tiishleh tusmaa l hunii chanar ni muuddag yum shig.

Дeстини said...

czechuud sonin shuu. Neg muhlagnii uilchlegch nadad uuh us bas salfetka zarahaas tatgalzsan. Tegsnee bid ened hangalttai oluulaa baina, nutagtaa hari uhaani yum yarisan. Bi ch zuruudleed, tanai huuli zuin said, ter bitgii hel erunhiilegch ch gesen minii haana yavj suuhiig zaahgui gej helehed yu ch helj chadaagui.

Arsun said...

Шартай шар шүү, хэхэ.

Ganga said...

Altanhuu: Zarimdaa ene met hurts zagnaj ed esee alaad yamar hereg bainaa, hehe
Gantulga: Hun chanar sain muu uls horvoogiin haana ch baidag baih oo.
Destini: Ezendee zagnuulj buruutaad orlogo oruulahgui argaa hiij yadsan hulsni ajilchin bailgui dee.
Arsun: Shartai shar, hartai har hehe

peakfinder said...

Hajuugaar n' duugui ongorohod hecuu l tohioldol. Namaig oyutan baihad haaya gudamjind hurtel gertee hari uhaanii yum heleh tohioldol gardag bailaa. Odoo gaigui bolson yum bolov uu? Harin czecheer sain yariad ireheer bugd nams geed duugai bolchihdog n' sonin...
Iim sain omgoologch taarsanaa ter har sain oilgoson bolov uu?

ganga said...

Peak: Sain uu, udaan haragdaagui hun haraad irsend bayartai baina. Multi soyoltoi Angli Frane-g yaj guitsehev gehdee l czechuud arav garan jiliin umnuhuus shal uur bolson shuu. Ene bichsen zuil zurgaan jiliin umnu bolson. Huuli sahiad tatvaraa tuluud yosooroo baigaa huniig hundelne uu gehees yah ch ugui Harin ch business orchin taalamjtai. Haaya neg uhamsar muchid hun hachin zan gargah mkhnoldold tsaraindaa ineemseglel todruulaad 'zevuun' ihemseg baihad uursduu evguitsdeg yum bilee.

Anonymous said...

Zuun evrop oros ene ter chine unendee arisnii uzeliin tuil bolchihson gazar biz dee?! Bid nar l ali sots uyesee nerelheed arisnii uzelten geheesee tsaargalaad baidag bolhoos. Bi bas ungart ih muuhai gaduurhagdsan yur n zuun evrop ter chigeeree baruunaasaa asar uhamsar setgelgeenii doroitoltoi gazar baruunuud n zuuniigee haltaruud gej duuddagiig bid sanah heregtei.

Anglid zarim hotuudad manai Mongolchuudiig gudamjind tendhiin zaluuchuud huuhduud mash ih gaduurhaj doosh n dardag gej sonsson. Yahav udahgui uls seheed ireheer bid bas tedend haruigii n ogoh tsag ireh biz.

Barimalch

Anonymous said...

wahahah czechuud neeree baruun europd barag hunii toond ordoggui uurusduu gaduurhddag baij yossn j ih racist yom be dee .

Bilegt said...

ta ch yostoi uran todoor goy heljee! tus tas ugtei hehe.
haach gazar iimerhu yum bhiimda