Friday 16 November 2007

Цамын баг


Багийн хэмжээ хүний толгойноос хоёр дахин том, цамчны нүд багийн амын жавьж хавьцаа таарч замаа хардаг. Бурхдын дүрийг илэрхийлэх багийг цаасан шуумлийн аргаар хийнэ. Юуны өмнө багийн ухмал, зормол хоёр хэвийг модоор үйлдэнэ. Энэ хоёр хэвийг тааруулж байрлуулахад хооронд нь хоёр сантиметр орчим зай үлдэх учиртай. Хоёр хэвийн дундуур хайлмал каолин (резин) цутгаж царцаана. Резинэн хэвэн дээр нимгэн нойтон цаасыг олон давхарлан наах аргаар баг бүтээдэг баримлын нэгэн аргыг “цаасан шуумал” гэдэг. Дээр үед шавраар цамын хэв цутгадаг, түүндээ нимгэн цаас наах аргаар баг хийдэг байв. Хатсаны дараа цаасан багийг эцсийн байдлаар засч өнгөлөх нарийн чимхлүүр ажил эхэлдэг. Эцэст нь бэлэн болсон багийг будаж зурж чимэглэдэг.

Зарим судлаачид цамыг нэгэн хэвийн, сунжруу, уйтгартай, хөдөлгөөн муутай гэдэг нь дотоод агуулга, хөдөлгөөний тайллыг хийж чадаагүйтэй холбоотой болов уу. Хөдөлгөөний ширүүн дорвилог, сул зөөлний үүднээс: баатрын бүжиг, баатар эмийн бүжиг, хилэнтийн бүжиг, хилэнт эмийн бүжиг, амирлахын бүжиг, дотоод бүжиг, нууцын бүжиг, тэр ямагт чанарын бүжиг, хилэн эрхшээх хийгээд хилэгнэн инээхийн бүжиг, хилэгнээд машид хилэгнэхийн бүжиг гэж ангилна. Бүжиг дүрийн үүднээс нь: үзүүрхэх, баатархах, жигших, нигүүлсэх, агсрах, амирлах, амирлах хийгээд хатуу догшин, инээдэмт, аймшигт гэж есөн зүйлд ангилдаг. Сэтгэлийн хөдөлгөөнийг илэрхийлэх дотоод найман амтын үүднээс урин дуудах, адислах, аврах, инээх, хилэгнэх, хөөн тонилгох зэрэг сэтгэлийн хөдөлгөөнийг илэрхийлдэг байна. Цамд сэтгэлийн хичнээн олон өнгө аясыг үзүүлдэг, олон төрлийн дүр бүтээж болдог тухай монголын судлаач Л.Хүрэлбаатар төвд, монгол эх сурвалж бичгүүдэд тулгуурлан ийнхүү өгүүлсэн байдаг.

Их Хүрээний их Чамбон (цамын даамал) Пунцаг-Осор цамын дэг болон лав урлалаар (бурхдын баримал барих урлал) олон шавьтай нэр хүндтэй хүн байв. 1910 онд Пунцаг-Осор цамын баг хувцсыг шинэчлэх ажлыг удирдан нэрт зураач Цэнд, Жүгдэр, нэрт лавчин Лувсацэрэн нартай хамтран 100 гаруй цамын баг хувцас сэлтийг шинэчлэн сэлбэсэн байна. Түүний бүтээсэн Улаан сахиусын алдарт шүрэн баг нь нийт 7881 бодит улаан шүрийн өнгө хэмжээг тохируулан нүүрний булчин агших тэнийх чигийн дагуу үй зүйгүй шигтгэн урласан гоц хийцтэй урлагын гайхамшигт бүтээл билээ. Дээр өгүүлсэн цамаар илэрхийлдэг сэтгэлийн хөдөлгөөний олон өнгөөс Улаан сахиусын баг “хилэгнээд машид хилэгнэх” сэтгэлийн илрэлд дүйх хамгийн аймшигтай дүр төрхтэй.

“Өвгөн зураач” Д.Дамдинсүрэн гуай “Урьдын Монгол оронд цамын хувцас хэрэглэлд ийнхүү үнэтэй, чанартай эд материал оруулан, урлал хийцийн гайхамшгийг харуулсан нь Богдын хүрээнээс өөр газар цөөн байсан юм. Түүнд зарцуулсан хөрөнгө нь монголын ард түмний хөрөнгө бөгөөд ялангуяа шавийн ард түмний хөрөнгөөр бүтжээ” гэж дурьдсан байдаг.

Чойрын лавчин уран Данзангийн бүтээсэн өвөрмөц хийцтэй, бодит амьтан араатан буй мэт сэтгэгдэл төрүүлэм арслан толгойт Сэндэм, бух толгойт Дамдин Чойжоогийн багууд одоо музейн үзвэр болоод байна. Уран Данзан багийн эхийг амьд бухнаас гарган Дамдин Чойжоогийн дүрийн баг бүтээсэн гэдэг.

Цагаан өвгөн, Хашин хааны багаар хүний сайхан сэтгэлийн илрэлийг гаргадаг. Бурхны шашин дэлгэрэхээс ихэд өмнө үеийн бөө мөргөлөөс улбаатай газар усны лус савдаг, хүмүүн амьтны эзэн тэнгэр гэж үздэг, “Орны урт наст их тэнгэр” хэмээх Цагаан өвгөн нь зөвхөн монгол цамд гардаг дүр. Цагаан өвгөний баг инээмсэглэж буй төрхтэй, урт цагаан сахалтай, цагаан өнгөтэй монгол дээлтэй, бүсэндээ хэт хутга тамхины даалин хавчуулсан, луутай тааяг тулсан энэ дүр инээдмийн дүрийг уран хошин гаргаж чадсан хосгүй оргил бүтээлийн нэг билээ.

Дорно дахины гүн ухаан, түүнтэй уялдсан шашны урлагийн бүх зүйлс нэн билгэдэл чанартай. Аливаа шашны сургаал “сайн”, “муу” гэсэн дэнсэн дээр дээр зангилагдан, хүмүүний үйл явдал, ажил амьдрал, ёс суртахууны үнэлэмж нь буян, нүгэл гэсэн шалгуураар шүүгддэг билээ. Гэтэл бурхны шашинд буу зэвсэг агссан “сонгодог” утгаар байх дайсныг буруу номтон, муу ёрын дайсан гэхээсээ илүү тэрхүү буруу үйлд хүнийг түлхэн оруулдаг муу сэтгэлийн илрэлийг илүү цээрлэдэг, түүнээс цэрвэж явахыг сургадаг нь нэн сонирхолтой бөгөөд сургаалтай юм.

Бурхны шашинд уур хилэн, атаа жөтөө, омог бардам, харанхуй мунхаг, шунал тачаал гэх нисваанисийн таван хор нь “нүгэл” бүхний эх үүсвэр болдог гэж сургадаг. Хүмүүн нь бие, хэл, сэтгэлийн гурвал дунд орших нэгэн бөгөөд сэтгэл нь бие, хэлээ удирдаж байдаг тул сэтгэл юугаа нисваанисийн хорт автуулахгүй эзэмдэх нь нэн чухал, аливаа ажил үйлс бүтээхэд хүн сэтгэл санаагаа зөв ариун авч явах хэрэгтэй юм байна.

“Нүгэл” бүхний эх үүсвэр болдог нисваанисийн таван хорыг тэвчихийг бэлгэдэн язгуурын таван бурхныг бүтээжээ. Үүнд: Мижид бурхан уур хилэнг дарах, Намбар Нанзад бурхан мунхаг харанхуйгаас ангижруулах, Дондов бурхан атаа жөтөөг зайлуулах, Рижун бурхан омог бардам занг арилгах, Одбагмид бурхан шунал тачаангуйг тэвчихэд туслах зориулалттай юм гэнэ. Бурхад сахиусын тэргүүнд эдгээр язгуурын таван бурхныг төлөөлүүлэн эрдэнийн дүрст таван чимэг зүүсгэл, таван чанар төгссөн эрдэнийн гавалт титэм өмсгөн дүрсэлдэг нь ийм учиртай ажгуу.

Зөвхөн догшид сахиусын баг эрдэнийн таван гавал бүхий титэмтэй байна. Буян заяа, эд хөрөнгө арвижуулагч тэнгэрүүд болох Намсрай, Гонгор сэлтийн баг чандмань чимэгтэй. Харин Эрлэг Номун хааны эм найман элчийг төлөөлөн гардаг Шива (буга), Махи (үхэр) цам үсэрч дүүлч, эврээрээ газар сэндийлэх мэтээр хамгийн хурдан цоглог хөдөлгөөнтэй. Бугийн тэргүүнд чандмань чимэг, үхрийн тэргүүнд ганц гавал чимэг байдаг.

Олон орны цамыг харьцуулан судалж, эрдмийн зэрэг хамгаалсан японы судлаач Кимура Аяако “Газар газрын цамын баг өвөрмөц байдалтай бөгөөд Монголын Хүрээ цамын Улаан сахиусын баг шиг шүрээр хийсэн гоц тансаг баян баг байхгүй” гэж тэмдэглэсэн байдаг.


Зургийг Б.Номинчимэдийн фото блогоос авав.
http://www.photoblog.com/Nomin 2007/

10 comments:

Түмэнбаярын Бум-Эрдэнэ said...

Миний дүү яг ямар мэргэжилээр сурдаг хүн бэ? Сонирхолтой бас хэрэгтэй материал их тавьж байгаа шүү. Хүүхдүүдээ л үзүүлэх юмдаа. Өөрөө энэ талаар сайн мэдэхгүй тул. Өө бас чамайг монгол явах гэж бна гэж хаанаас харчихав даа.Сайн яваарай

ZAYA said...

Би урлаг судлаач биш л дээ. Гэхдээ сонирхолтой юм их байх юмаа. Блог чинь их сонирхолтой байгаа шүү. Улам их сонирхолтой зүйл бичээрэй. За амжилт хүсье.

БЭ said...

neeren baga baihad ene bagan dotor humuus yaj gadagshaagaa harj bas amisgaldag bol gej ih boddog baij bilee.olon tsag umsuhuur her baidag bol gesen hehe. mash sonirholtoi medeelluud unshaad olzuurhaad baigaa shuu. bayarlalaa.

бж said...

Huvtsas bag ene ter ni yamar ungulug goyo yum be. Ene talaar uneheer yum meddeggui baijee. Ganga-iinhaa blogoos harin zunduu medeelel olj avaad bayarlaad baigaa shuu. Tsaashid ulam sonirholtoi zuil ih bicheerei.
Amjilt huseye.

ganga said...

Bum-erdened- Deer Orost radio engineer mergejil ezemshsen uhaantai.Minii bagsh baisan hugiig 'Byatshan bagsh' bichlegees unshaarai.
Zaya-Shahsni urlagiin zuragt tailbar hiihed gesen bolohoor urlag sudlaach gej bodood.
nemleT-Odoo uzver mayagaar hurdan zuur toglodog bolohoor gaigui baih. Deer ued deg jayagaaraa olon tsag garahad bie sul hun muujirdag baisan gesen.
Ganaa_bj-Shine bolood ungulug baigaa bolov uu. Deer ueiin hiitsiin huvtsas ni unen goyo. Tsamiin huvtsasiig zeegt naamaltai daraa oruulnaa.

Udurjinguu gar tsailgah yum ene ter gej guigeed bogtsoo savlachihaad blogoo neesen chin heden and orood irsend ikh bayarlalaa.

ganga said...

Bum-erdened- Deer Orost radio engineer mergejil ezemshsen uhaantai.Minii bagsh baisan hugiig 'Byatshan bagsh' bichlegees unshaarai.
Zaya-Shahsni urlagiin zuragt tailbar hiihed gesen bolohoor urlag sudlaach gej bodood.
nemleT-Odoo uzver mayagaar hurdan zuur toglodog bolohoor gaigui baih. Deer ued deg jayagaaraa olon tsag garahad bie sul hun muujirdag baisan gesen.
Ganaa_bj-Shine bolood ungulug baigaa bolov uu. Deer ueiin hiitsiin huvtsas ni unen goyo. Tsamiin huvtsasiig zeegt naamaltai daraa oruulnaa.

Udurjinguu gar tsailgah yum ene ter gej guigeed bogtsoo savlachihaad blogoo neesen chin heden and orood irsend ikh bayarlalaa.

бж said...

Sain yavaad ireerei. Mongold ochood ch gesen zavandaa blogtoo shine bichleg oruulahiig bodooroi. Nudee chiltel haruuldana shuu.

Түмэнбаярын Бум-Эрдэнэ said...

Миний дүү гээд авчихсан чинь нэг л биш болоод явчихлаа. Манай хүн холбооных . Ямар ч байсан танайхаар ирэх дуртай шүү

yanmaneee said...

yeezy shoes
nike air vapormax
kevin durant shoes
adidas yeezy
yeezy 700
nike huarache
michael kors bags
nike air max 2018
golden goose
timberlands

Anonymous said...

jordan shoes
off white shoes
supreme t shirt
goyard outlet
yeezy gap hoodie
yeezy
supreme new york
supreme clothing
air jordan
kyrie 6 shoes